ଭୁବନେଶ୍ୱର: ଗଞ୍ଜେଇ ବା ମାଦକ ଦ୍ରବ୍ୟର ଚୋରା ଚାଲାଣକୁ ଅର୍ଥ ଯୋଗାଇ ଦେବା ବା ମାଦକ ଦ୍ରବ୍ୟର ଚୋରା କାରବାରର ଅଭିଯୁକ୍ତକୁ ଆଶ୍ରୟ ଦେବା ଅପରାଧ ହୋଇପାରେ କିନ୍ତୁ ଏଥି ପାଇଁ ଦଣ୍ଡ ଦେଇ ହେବନାହିଁ। ନରକୋଟିକ୍ସ ଡ୍ରଗସ ଆଣ୍ଡ ସାଇକୋଟ୍ରେ।ପିକ ସବଷ୍ଟାନସ ଆକ୍ଟରେ ଯେଉଁ ବ୍ୟବସ୍ଥା ଅଛି ସେଥିରେ ଏହି ଅପରାଧ ପାଇଁ ଦଣ୍ଡ ଦେଇହେବ ନାହିଁ।

ଆକ୍ଟର ସେକ୍ସନ 27A ରେ ଉଲ୍ଲେଖ ଅଛି ଯେ, ଯେ ସେକ୍ସନ 2  (viiia)ର  ସବ-କ୍ଲଜ(i) ରୁ (v) ରେ ଉଲ୍ଲେଖିତ କାରବାର ପାଇଁ  କେହି ବ୍ୟକ୍ତି ପ୍ରତ୍ୟକ୍ଷ ବା ପରୋକ୍ଷରେ ଅର୍ଥ ଲଗାଣ କଲେ ବା ଅଭିଯୁକ୍ତକୁ ଆଶ୍ରୟ ଦେଲେ ଏନଡିପିଏସ ଆଇନ ଅନୁଯାୟୀ ଦଣ୍ଡିତ ହେବାର ବ୍ୟବସ୍ଥା ଅଛି।

ତେବେ ଗତ ୨୦୧୪ରେ ଆକ୍ଟରେ ଯେଉଁ ସଂଶୋଧନ ଅଣାଗଲା ସେହି ସମୟରେ ଭୁଲ ବଶତଃ ଏହି ସବ କ୍ଲଜ (i) ରୁ (v)ରେ ଯେଉଁ ସବୁ ମଦକଦ୍ରବ୍ୟର ବେଆଇନ କାରବାର ଉଲ୍ଲେଖ କରାଯିବା କଥା ତାହା କରାଗଲା ନାହିଁ। ମଦକଦ୍ରବ୍ୟର ତାଲିକା ନରହିବା ଫଳରେ ବେଆଇନ ମାଦକ ଦ୍ରବ୍ୟ କାରବାରକୁ ଅର୍ଥ ଯୋଗାଉଥିବା ଏବଂ ଅଭିଯୁକ୍ତଙ୍କୁ ଆଶ୍ରୟ ଦେଉଥିବା ବ୍ୟକ୍ତିଙ୍କୁ ଦଣ୍ଡିତ କରିବାରେ ଆଇନଗତ ଅସୁବିଧା ସୃଷ୍ଟି ହୋଇଛି।

ତ୍ରିପୁରାର ଏକ ସ୍ପେଶାଲ କୋର୍ଟରେ ଗତ ୨୦୧୬ରେ ଜଣେ ଅଭିଯୁକ୍ତ ଜାମିନ ଆବେଦନ କଲାବେଳେ ଆଇନ ଥିବା ଏହି ବିସଂଗତି କଥା ଉଠାଇଥିଲେ। ଏହାପରେ ତଳ କୋର୍ଟ ଏହାର ବିଚାର ପାଇଁ ତ୍ରିପୁରା ଉଚ୍ଚ ନ୍ୟାୟାଳୟ କୁ ମାମଲା ପଠାଇ ଦେଇଥିଲେ।

ଗତ ସପ୍ତାହରେ ତ୍ରିପୁରା ଉଚ୍ଚ ନ୍ୟାୟାଳୟ ଏହି ତ୍ରୁଟି ସଂଶୋଧନ ପାଇଁ କେନ୍ଦ୍ର ଗୃହ ବିଭାଗକୁ ଜଣାଇଛନ୍ତି।

ବର୍ତ୍ତମାନ ସମ୍ବିଧାନର ୨୦(୧)ରେ ଯେଉଁ ବ୍ୟବସ୍ଥା ଅଛି ସେଥିରେ ଏହି ସଂଶୋଧନ ପିଛିଲା ତାରିଖରୁ ଲାଗୁ କରିହେବ ନାହିଁ। ତେବେ ୨୦୧୪ରୁ ଆଜି ପର୍ଯ୍ୟନ୍ତ ଯେଉଁ ସବୁ ମାମଲା ରହିଛି ତାହାର କଣ ନିଷ୍ପତି ହେବ। ଏହି ଅଡୁଆରେ ବର୍ତମାନ କେନ୍ଦ୍ର ଗୃହ ମନ୍ତ୍ରଣାଳୟ ପଡ଼ିଛି।

ନୂଆଦିଲ୍ଲୀ: ଆଟଅର୍ଣ୍ଣି   ଜେନେରାଲ କେ କେ ଭେନୁଗୋପାଳଙ୍କ ଉତ୍ତରାଧିକାରୀ ଖୋଜା ଚାଲିଛି।

ଭେନୁଗୋପାଳଙ୍କୁ ବର୍ତ୍ତମାନ ବୟସ ହେଲାଣି ୮୯। ନିକଟରେ ତାଙ୍କର ତିନି ବର୍ଷୀୟା ଚୁକ୍ତି ଶେଷ ହୋଇ ଯାଇଥିଲା। ଅତ୍ୟାଧିକ ବୟସ ଯୋଗୁ ସେ ଆଉ ଆଟଅର୍ଣ୍ଣି   ଜେନେରାଲ ପଦବୀରେ ରହିବକୁ ଚାହୁଁ ନଥିଲେ। ତେବେ ସରକାର ତାଙ୍କୁ ଆଉ ଗୋଟିଏ ବର୍ଷ ସେହି ପଦବୀରେ ରହିବାକୁ ଅନୁରୋଧ କରି ତାଙ୍କର କାର୍ଯ୍ୟକାଳ ବଢାଇଛନ୍ତି।

ଇତି ମଧ୍ୟରେ ସରକାର ଭେନୁଗୋପାଳଙ୍କ ଉତ୍ତରାଧିକାରୀ ଖୋଜିବା ଆରମ୍ଭ କରିଦେଇଛନ୍ତି।

କେନ୍ଦ୍ର ସରକାର ହରିଷ ସାଲଭେଙ୍କୁ ଏହି ପଦବୀରେ ନିଯୁକ୍ତି ଦେବାକୁ ଚାହୁଁଛନ୍ତି  ବୋଲି ଶୁଣା ଯାଉଛି। ହେଲେ ବର୍ତମାନ ଲଣ୍ଡନରେ ରହୁଥିବା ସାଲଭେ ସରକାରଙ୍କୁ ସାତ ଆଠ ମାସର ସମୟ ମାଗିଥିବା ଜଣାଯାଇଛି।

ସାଲଭେ ଆନ୍ତର୍ଜାତିକ କୋର୍ଟରେ କୂଳଭୂଷଣ ଯାଦବ କେସରେ ଭାରତ ପାଇଁ ବିଜୟ ଆଣି ବେଶ ଲୋକପ୍ରିୟ ଅର୍ଜନ କରିଛନ୍ତି। ନିକଟରେ ସେ ଲଣ୍ଡନରୁ ଓଡିଶା ସରକାରଙ୍କ ପାଇଁ ସୁପ୍ରିମ କୋର୍ଟରେ ରଥଯାତ୍ରା ମାମଲାର ପରିଚାଳନା କରୁଥିଲେ।

ନୂଆଦିଲ୍ଲୀ:ଏ ବର୍ଷ ରଥଯାତ୍ରା ହେବ ନ ନାହିଁ ସେ ସମ୍ପର୍କରେ ସୁପ୍ରିମକୋର୍ଟରେ ଶୁଣାଣି ଓଡିଶା ସରକାରଙ୍କ ଓକିଲଙ୍କୁ ରାତିରୁ ଉଠିବାକୁ ପଡିଥିଲା।
ଶୁଣାଣି ପ୍ରଥମେ ବିଚାରପତି ଅରୁଣ ମିଶ୍ରଙ୍କ କୋର୍ଟରେ ସକାଳେ ହୋଇଥିଲା। ଏବଂ ଅପରାହ୍ଣରେ ପ୍ରଧାନ ବିଚାରପତିଙ୍କ ନେତୃତ୍ୱରେ ଏକ ତିନି ଜଣିଆ ଖଣ୍ଡପୀଠ ଶୁଣାଣି କରିଥିଲେ।
ହେଲେ ଲଣ୍ଡନରେ ଥିବା ଓଡ଼ିଶା ସରକାରଙ୍କ ବରିଷ୍ଠ ଓକିଲ ହରିଷ ସାଲଭେଙ୍କ ପାଇଁ ଏହି ସମୟ ଟା ଅଡୁଆ ଥିଲା।
କେନ୍ଦ୍ର ସରକାରଙ୍କ ସୋଲିସିଟର ଜେନେରାଲ ତୁଷାର ମେହଟା ଶୁଣାଣି ଆରମ୍ଭ ହେବା ପୂର୍ବରୁ ସାଲଭେଙ୍କୁ ପଚାରିଥିଲେ ଲଣ୍ଡନରେ ସମୟ କେତେ ହୋଇଛି।
ସାଲଭେ କାହାଥିଲେ ସକାଳ ୬.୪0। ସେ କହିଥିଲେ ରାତିରୁ ଉଠିଲିଣି, କୋର୍ଟ କାମ ସରିଲେ ଯାଇ ଟିକେ ଶୋଇବି।

ଗତକାଲି ଅନୁଷ୍ଠିତ ଭରଚୁଆଲ କୋର୍ଟରେ ପ୍ରଧାନ ବିଚାରପତି ନଗପୁରସ୍ଥିତ ତାଙ୍କ ନିଜ ଘରେ ରହି ଶୁଣାଣି କରୁଥିଲେ। ତାଙ୍କ ଘର ଦେଖି ତୁଷାର ମେହଟା ବେଶ ପ୍ରଭାବିତ ହୋଇ ପଡ଼ିଥିଲେ। କହିଥିଲେ ଘରଟି ବେଶ ସୁନ୍ଦର ହୋଇଛି। ମୁଖ୍ୟ ବିଚାରପତି କହିଥିଲେ ପୁରଣା ଘରର ଗୋଟେ ନିଆରା ସୁନ୍ଦରତା ଥାଏ।

ସବୁଠାରୁ କୌତୁହଳର କଥା ରଥଯାତ୍ରା ଅନୁଷିତ ସମ୍ପର୍କରେ ରାୟ ଶୁଣାଇବା ବେଳକୁ ହଠାତ ମୁଖ୍ୟ ବିଚାରପତିଙ୍କ ମାଇକ ଖରାପ ହୋଇ ଯାଇଥିଲା।