ନୂଆଦିଲ୍ଲୀ: କଂଗ୍ରେସ ନେତା ତଥା ବରିଷ୍ଠ ଓକିଲ ଅଭିଷେକ ମନୁ ସଙ୍ଘଭି ଏବେ ଚିନ୍ତାରେ । ଅନର ବାଉଣ୍ଡ ନାମକ ଏକ ପୁସ୍ତକୁ ସେ ଚିନ୍ତିତ ଅଛନ୍ତି।
ଲଣ୍ଡନର ଜଣେ ବରିଷ୍ଠ ଓକିଲ ସରୋଶ ଯାଇବାଲାଙ୍କ ଲିଖିତ ଏହି ପୁସ୍ତକରେ ମନୁ ସଂଘଭିଙ୍କ ପିତାଙ୍କ ବିଷୟରେ କେତକ ଵିତର୍କିତ ତଥ୍ୟ ରହିଛି । ଏକ ସମୟରେ ମନୁଙ୍କ ପିତା ସ୍ବର୍ଗତ ଏଲ.ଏମ.ସଙ୍ଘଭି ଲଣ୍ଡନରେ ଭାରତର ଉଚାୟୁକ୍ତ ଭାବେ କାର୍ଯ୍ୟ କରୁଥିଲେ ।
ପୁସ୍ତକଟି ପ୍ରକାଶ ପାଇଲେ ମନୁ ସଙ୍ଘଭିଙ୍କ ପରିବାରର ମର୍ଯ୍ୟଦା ଉପରେ ଆଞ୍ଚ ଆସିବ ।
ଏହି ଆଶଙ୍କାରେ ପଶ୍ଚିମବଙ୍ଗରୁ ରାଜ୍ୟସଭା ସଭ୍ୟ ତଥା କନିଷ୍ଠ ସଙ୍ଘଭି ପୁସ୍ତକର ପ୍ରକାଶନକୁ ବନ୍ଦ କରିବାକୁ ଦିଲ୍ଲୀର ଏକ ଅଦାଲତରେ ମକଦ୍ଦମା କରିଥିଲେ । ଏହି କୋର୍ଟ ବର୍ତମାନ ଏକ ତରଫା ଭାବେ ଏକ ରାୟ ଦେଇ ପୁସ୍ତକର ପ୍ରକାଶନ ଉପରେ ରୋକ ଲଗାଇଛନ୍ତି ।
ତେବେ ବ୍ରିଟିଶ ଓକିଲ ଦିଲ୍ଲୀ କୋର୍ଟର ଏହି ଆଦେଶକୁ ମାନିବାକୁ ପ୍ରସ୍ତୁତ ନୁହନ୍ତି । ଦିଲ୍ଲୀ କୋର୍ଟର ନିର୍ଦେଶ ମାନିବାକୁ ସେ ବାଧ୍ୟ ନିହାନ୍ତି। ଏହା ଛଡ଼ା ତାଙ୍କର ଯୁକ୍ତି ହେଲା ଦିଲୀ କୋର୍ଟର ଅର୍ଡର ବ୍ରିଟିଶ ଆଇନ ଅନୁଯାୟୀ ନିୟମ ଅନୁସାରେ ତାଙ୍କୁ ମିଳିବା ଦରକାର। ଅନର ବାଉଣ୍ଡ ପୁସ୍ତକକୁ ନେଇ ଆରମ୍ଭ ହୋଇଥିବା ଏହି ଆଇନଗତ ଲଢେ଼ଇ ଆଗକୁ ତୀଵ୍ର ହେବ ଏଥିରେ ସନ୍ଦେହ ନାହିଁ । ଦୁଇଜଣ ବିଶିଷ୍ଟ ଆଇନଜୀବୀ ଯେତେବେଳେ ସାମ୍ନାସାମ୍ନି ହେବେ କୋର୍ଟ ରୁମରେ ନାଟକୀୟତା ନିଶ୍ଚିତ ଭାବେ ଦେଖାଦେବ । ହେଲେ ସେ ଯାହା ହେଉନା କାହିଁକି, ପୁସ୍ତକ ପ୍ରକାଶନ ପୁର୍ବରୁ ପୁସ୍ତକକୁ ଯେଉଁ ପ୍ରଚାର ମିଳିବାକୁ ଯାଉଛି ସେଥିରେ ପୁସ୍ତକର ପ୍ରକାଶକ ଧନୀ ହୋଇଯିବା ସୁନିଶ୍ଚିତ ।
