ଖୋର୍ଦ୍ଧା ୩୦/୧୨ : ଖୋର୍ଦ୍ଧା ଗୁରୁଜଙ୍ଗ ୧୮ନଂ ୱାର୍ଡରେ ବୋମାମାଡ଼ ହୋଇଛି । ଗତକାଲି ମଧ୍ୟରାତ୍ରିରେ ୪ଜଣ ଯୁବକ ବାଇକ୍ରେ ଆସି ପ୍ରକାଶ ରାଉତରାୟ ନାମକ ଜଣେ ବ୍ୟବସାୟୀଙ୍କ ଘର ଉପରେ ବୋମା ମାଡ଼ କରି ଫେରାର ହୋଇଯାଇଥିଲେ । ଏଥିରେ କେହି ମୃତାହତ ହୋଇନାହାନ୍ତି । ଘରେ ଲାଗିଥିବା ସିସିଟିଭି କ୍ୟାମେରାରେ ଏହାର ଚିତ୍ର ଉତ୍ତୋଳିତ ହୋଇଛି । ପୂର୍ବରୁ ମଧ୍ୟ ଶ୍ରୀ ରାଉତରାୟଙ୍କ ବାଜପୁର ଘର ଓ ତାଙ୍କର ଏକ ପ୍ରୋକଲିନ୍ ଉପରେ ବୋମାମାଡ଼ ହୋଇଥିଲା । ପୋଲିସ ସିସିଟିଭି ଫୁଟେଜ ଆଧାରରେ ତଦନ୍ତ ଜାରି ରଖିଥିଲେ ହେଁ ହଠାତ୍ କାହାରିକୁ ଗିରଫ କରାଯାଇନାହିଁ ।
