ଚେନ୍ନାଇ: ଦେଶର ପ୍ରମୁଖ ନିର୍ବାଚନ ରଣାନୀତିନଜ୍ଞ ପ୍ରଶାନ୍ତ କିଶୋରଙ୍କୁ ତାମିଲନାଡୁ ରାଜନୀତିରେ ମିଳିଛି କଡା ମୁକାବିଲା। ପ୍ରଶାନ୍ତଙ୍କ ପ୍ରତିଦ୍ବନ୍ଦୀ ଭାବେ ଠିଆ ହୋଇଛନ୍ତି ସୁନୀଲ କାନୁଗୋଲୁ।
ଆଗାମୀ ବିଧାନସଭା ନିର୍ବାଚନ ପାଇଁ ପ୍ରଶାନ୍ତ କିଶୋର ଡିଏମକେ ଦଳ ପାଇଁ କାର୍ଯ୍ୟ କରୁଛନ୍ତି। ତାଙ୍କୁ ମୁକାବିଲା କରିବାକୁ ରାଜ୍ୟର ଅନ୍ୟତମ ପ୍ରମୁଖ କ୍ଷମତାସୀନ ଏଆଇଏଡିଏମକ ଦଳ ସୁନୀଲଙ୍କୁ ଦାଇତ୍ଵ ଦେଇଛି।
ମେକେନ୍ଜେଜୀରେ ପରାମର୍ଶଦାତାଭାବେ କାର୍ଯ୍ୟ କରୁଥିବା ସୁନୀଲ ପ୍ରଶାନ୍ତ କିଶୋରଙ୍କ ଟିମରେ ୨୦୧୪ ସାଧାରଣ ନିର୍ବାଚନରେ ମୋଦୀଙ୍କ ପାଇଁ କାର୍ଯ୍ୟ କରୁଥିଲେ। ତେବେ ୨୦୧୬ ବିଧାନସଭା ନିର୍ବାଚନରେ ଡିଏମକେର ପ୍ରଚାର ପରାମର୍ଶଦାତା ଭାବେ କାର୍ଯ୍ୟ କରିଥିଲେ। ପରେ ସେ ବିଜେପିର ବିଧାନସଭା ନିର୍ବାଚନ ପାଇଁ ଯୁଦ୍ଧଗୃହ ଭାବେ କାର୍ଯ୍ୟ କରୁଥିବା ଆସୋସିଏସନ ଅଫ ବିଲିଅନ ମାଇଣ୍ଡ ପାଇଁ କାର୍ଯ୍ୟ କରିଥିଲେ। ତେବେ ୨୦୧୯ ଲୋକସଭା ନିର୍ବାଚନରେ ଡିଏମକେ ଗଠବନ୍ଧନ ପାଇଁ କାର୍ଯ୍ୟ କରିଥିଲେ ଏବଂ ଏହି ନିର୍ବାଚନରେ ଡିଏମକେ ଓ ଏହାର ସହଯୋଗୀ ଦଳକୁ ୩୯ରୁ ୩୮ ଟି ଲୋକସଭା ଆସନ ମିଳିଥିଲା।
ବର୍ତ୍ତମାନ ଡିଏମକେ ପ୍ରଶାନ୍ତ କିଶୋରଙ୍କ ନିଯୁକ୍ତି ଦେବାପରେ ସୁନୀଲଙ୍କୁ ଏଆଇଏଡିଏମକେ ପାଇଁ କାର୍ଯ୍ୟ କରିବାକୁ ନିଯୁକ୍ତି ଦେଇଛି। ସୁନୀଲ ବର୍ତମାନ ଏଆଇଏଡିଏମକେର ମୁଖ୍ୟମନ୍ତ୍ରୀ ଏଡାପଡି ପଲନିସ୍ୱାମୀଙ୍କ ଭାବମୂର୍ତି ବଢାଇବା କାର୍ଯ୍ୟରେ ଲାଗିଛନ୍ତି। ଜୟଲଳିଥାଙ୍କ ରାଜତ୍ୱ ସମୟରେ ଜଣେ ପରିଚୟହୀନ ମନ୍ତ୍ରୀଭାବେ କାର୍ଯ୍ୟ କରୁଥିବା ଇପିଏସଙ୍କ ଭାବମୂର୍ତି ବଢ଼ିବାରେ କେତେ ଦୂର ସଫଳ ହେବେ ସୁନୀଲ ଏବଂ ନିର୍ବାଚନରେ ତାହା କେତେ ସହାୟକ ହେବେ ତାହା ଆସନ୍ତା ମେ ମାସରେ ଜଣା ପଡିବ।
