ଭୁବନେଶ୍ୱର ୨୮ ।୧୧ : ତିତଲିକୁ ନେଇ ଏପର୍ଯ୍ୟନ୍ତ ବିବାଦ ଥମିବାର ନାଁ ଧରୁନାହିଁ । ଏନେଇ ରାଜ୍ୟ ସରକାରଙ୍କ ଓ ବିରୋଧୀ ଦଳଗୁଡ଼ିକ ମଧ୍ୟରେ ତୁତୁ ମେଁମେଁ ଲାଗି ରହିଛି । ଏହି ପରିପ୍ରେକ୍ଷୀରେ ରାଜ୍ୟ ସରକାରଙ୍କ ବିରୁଦ୍ଧରେ ବିଜେପି ଏକ ଗୁରୁତର ଅଭିଯୋଗ ଆଣିଛି । ବୁଧବାର ଏକ ସାମ୍ବାଦିକ ସମ୍ମିଳନୀରେ ବିଜେପି ଅଭିଯୋଗ କରିଛି ଯେ, ତିତଲି କ୍ଷତିଗ୍ରସ୍ତ ଅଂଚଳର କେତେକ ସ୍ଥାନରେ ବିଜେଡ଼ି ବିପକ୍ଷରେ ଭୋଟ ଦେଇଥିବା ଲୋକଙ୍କୁ ସହାୟତା ଦିଆଯାଉନାହିଁ । ଗଜପତି ଜିଲ୍ଲାର କେତେକ କ୍ଷତିଗ୍ରସ୍ତ ଅଂଚଳର ପରିସ୍ଥିତି ଅନୁଧ୍ୟାନ କରି ଫେରିଥିବା ବିଜେପି ପ୍ରତିନିଧି ଦଳର ନେତା ବିଧାୟକ ପ୍ରଦୀପ ପୁରୋହିତ ଏଭଳି ଅଭିଯୋଗ ଆଣିଛନ୍ତି । ସେ କହିଛନ୍ତି ଯେ, ବାତ୍ୟା ପ୍ରପୀଡିତ ଅଂଚଳରେ ସରକାର ସବୁ ପ୍ରକାର ରିଲିଫ୍ ଓ ସହାୟତା ଯୋଗାଇ ଦେଇଛନ୍ତି ବୋଲି ଯାହା କହିଛନ୍ତି ତାହା ଆଦୋ÷ ସତ୍ୟ ନୁହେଁ । ବାସ୍ତବ ପରିସ୍ଥିତି ସମ୍ପୂର୍ଣ୍ଣ ଭିନ୍ନ । ତେବେ ବିଜେଡ଼ି ଏହି ଅଭିଯୋଗକୁ ଦୃଢ଼ ଭାବେ ଖଣ୍ଡନ କରିଛି । ଦଳର ମୁଖପାତ୍ର ପ୍ରତାପ ଦେବ କହିଛନ୍ତି ଯେ, ବିଜେପିର ଏହି ଅଭିଯୋଗ ସମ୍ପୂର୍ଣ୍ଣ ମିଥ୍ୟା । ବାତ୍ୟା ପ୍ରଭାବିତ ଅଂଚଳରେ ରାଜ୍ୟସରକାରଙ୍କ କାର୍ଯ୍ୟକୁ ଖୋଦ୍ କେନ୍ଦ୍ର ସରକାର ପ୍ରଶଂସା କରିଥିବାବେଳେ ବିଜେପି କରୁଥିବା ଅଭିଯୋଗରେ କେତେ ସତ୍ୟତା ଅଛି ତାହା ସ୍ପଷ୍ଟ ବାରି ହୋଇପଡ଼ୁଛି ।
ଏହି ସାମ୍ବାଦିକ ସମ୍ମିନଳୀରେ ବିଜେପି ପକ୍ଷରୁ କ୍ଷତିଗ୍ରସ୍ତ ଅଂଚଳର ଭିଡ଼ିଓ ଚିତ୍ର ପ୍ରଦର୍ଶନ କରାଯାଇ ବାସ୍ତବ ସ୍ଥିତି ସମ୍ପର୍କରେ ସାମ୍ବାଦିକମାନଙ୍କୁ ସୂଚନା ଦିଆଯାଇଥିଲା । ଶ୍ରୀ ପୁରୋହିତ କହିଥିଲେ ଯେ, କେତେକ ଅଂଚଳରେ ପ୍ରଶାସନ ପକ୍ଷରୁ କେବଳ ୧ ହଜାର ଟଙ୍କା ଓ ୫୦ କେଜି ଚାଉଳ ଯୋଗାଇ ଦିଆଯିବା ଛଡ଼ା ଅନ୍ୟ କିଛି ସହାୟତା ଦିଆଯାଇନାହିଁ । ଲୋକମାନେ ୧୦ ଦିନ ହେଲା କୋ÷ଣସି ସହାୟତା ନପାଇ ଗୁରୁତର ସମସ୍ୟାର ସମ୍ମୁଖୀନ ହୋଇଛନ୍ତ ି । ଘର ନଥିବାରୁ ବହୁ ଲୋକ ଏବେବି ସ୍କୁଲରେ ଆଶ୍ରୟ ନେଇଛନ୍ତି ।
ତିତଲି ପ୍ରଭାବିତ ଅଂଚଳରେ ସରକାର ୮୧୩ କୋଟି ଟଙ୍କା ଖର୍ଚ୍ଚ କରିଛନ୍ତି ବୋଲି କହିଛନ୍ତି । କିନ୍ତୁ ବାସ୍ତବ ସ୍ଥିତି ଯାହା ସେଥିରୁ ଏହାର କୋ÷ଣସି ପ୍ରମାଣ ମିଳୁନାହିଁ । ସରକାର ଏତେ ଟଙ୍କା କେଉଁଠି ଓ କିଭଳି ଖର୍ଚ୍ଚ କଲେ ତାହା ସ୍ପଷ୍ଟ କରିବାକୁ ବିଜେପି ଦାବି କରିଛି । ମାଡ଼ ଗାଁରେ ଦୁଇଜଣ ପିଲା ବାତ୍ୟାରେ ପ୍ରାଣ ହରାଇଥିଲେ ବି ସରକାର ତାହାକୁ ମାନୁ ନାହାନ୍ତ ି । ବିଜେପିର ଏହି ପ୍ରତିନିଧି ଦଳ ଗଜପତି ଜିଲ୍ଲା ରାୟଗଡ଼ା ବ୍ଲକ୍ର କଇଁପୁର ପଂଚାୟତ ସହ ଅନ୍ୟ କେତେକ ଅଂଚଳର ସ୍ଥିତି ଅନୁଧ୍ୟାନ କରିଥିଲେ ।
