ଭୁବନେଶ୍ୱର: ବର୍ତ୍ତମାନ ସୁଦ୍ଧା ତେରଶହରୁ ଉର୍ଦ୍ଧ ହାଇଟେକ ଇଷ୍ଟେଟସ ଏବଂ ରାଜଧାନୀ ସିଷ୍ଟମରେ ଜମିପାଇଁ ଟଙ୍କା ଜମାକରିଥିବା କ୍ଷତିଗ୍ରସ୍ତ ଜମାକାରୀ ସେମାନଙ୍କର ଜମା ଟଙ୍କା ଫେରସ୍ତ ପାଇଁ ଆବେଦନ କରି ସରିଲେଣି।
ଜମା ଟଙ୍କା ଫେରସ୍ତ ପାଇଁ ଆବେଦନ କରିବାକୁ ରାଜ୍ୟ ଅର୍ଥ ବିଭାଗ ପକ୍ଷରୁ ଗତ ଜୁନ ୪ ତାରିଖରୁ ଅନ-ଲାଇନରେ www.opid.odisha.gov.in ଦାବିପତ୍ର ମଗା ଯାଇଥିଲା। ଗତ ୧୪ ଦିନ ଭିତରେ ତେରଶହରୁ ଉର୍ଦ୍ଧ ଆବେଦନ ପତ୍ର ମିଳି ସାରିଲାଣି। ଆବେଦନ କରିବାର ଶେଷ ତାରିଖ ଜୁଲାଇ ୧୯,୨୦୨୧ ରହିଛି।
ଏହି ଦୁଇ କମ୍ପାନୀର କଲ୍ୟାଣ ବିହାର, କଲ୍ୟାଣ ବିହାର ଫେଜ୨,ଭାଗ୍ୟ ନଗର, କୁଞ୍ଜ ବିହାର ଓ ପୁଷ୍ପାଞ୍ଜଳି ଏନକ୍ଲେଭ ଯୋଜନାରେ ଲୋକଙ୍କୁ ଗୃହଉପଯୋଗୀ ଜମି ଦେବାକୁ କହି ବିପୁଳ ପରିମାଣର ଜମା ଟଙ୍କା ସଂଗ୍ରହ କରିଥିଲେ।
