ରାଉରକେଲା ୧୦/୪ : ୨୦୧୯ ସାଧାରଣ ନିର୍ବାଚନ ମତଦାନ ଯେତିକି ପାଖେଇ ଆସୁଛି ସେହି ପରିମାଣରେ ନିର୍ବାଚନୀ ଫ୍ଲାଇଂ ସ୍କ୍ଵାର୍ଡ ଗାଡିଗୁଡିକରୁ ଲକ୍ଷ ଲକ୍ଷ ଟଙ୍କା ଜବତ କରୁଛି। ଏହି କ୍ରମରେ ବୁଧବାର ନିର୍ବାଚନ ଫ୍ଲାଇଂ ସ୍କ୍ୱାର୍ଡ଼କୁ ଦେଖି ଏକ ଅଡି କାରରୁ ୨୭ଲକ୍ଷ ୪୯ ହଜାର ଟଙ୍କା ଫୋପାଡ଼ି ଡ୍ରାଇଭର ଛୁ ହୋଇଯାଇଛି । ଏହି ଅର୍ଥ ଜବତ କରି ଅଧିକାରୀ ଏହାର ଯାଞ୍ଚ କରୁଛନ୍ତି।
ସାଧାରଣ ନିର୍ବାଚନରେ ଟଙ୍କା ବଣ୍ଟନ କରି ଲୋକଙ୍କ ଭୋଟ ପାଇବାକୁ ଆଶାୟୀ କିଛି ପ୍ରାର୍ଥୀ ଟଙ୍କା ନେଇ ଯାଉଥିବାରୁ ନିର୍ବାଚନ ଫ୍ଲାଇଂ ସ୍କ୍ୱାର୍ଡ଼ ଦ୍ୱାରା ଯାତାୟତ ସମସ୍ତ ଗାଡ଼ି ଯାଂଚ କରାଯାଉଛି । ନିକଟରେ ଅନେକ ଗାଡ଼ିରୁ ବିପୁଳ ଟଙ୍କା ଜବତ ହୋଇଛି । ନିର୍ବାଚନ ଆଚରଣ ବିଧି ଉଲଙ୍ଘନ ନ ହେବା ପାଇଁ ଆଜି ରାଉରକେଲାରେ ଯାଂଚ ଚାଲିଥିବା ବେଳେ ଏକ ବିଚିତ୍ର ଘଟଣା ଘଟିଛି । ବିଶ୍ରା ମହାପାଣି ରାସ୍ତାରେ ଯାଉଥିବା ଏକ ନମ୍ବରବିହୀନ ଅଡି କାର ଯାଂଚ ବେଳେ ୨୭ଲକ୍ଷ ୪୯ ହଜାର ଟଙ୍କା ଜବତ ହୋଇଛି । ଯାଂଚ ବେଳେ ଟଙ୍କା ବ୍ୟାଗଟି ବାହାରକୁ ଫୋପାଡ଼ି ଅଡିର ଡ଼୍ରାଇଭରଟି ଫେରାର ହୋଇଯାଇଛି ସମୃକ୍ତ ଅଡିରେ ଥିବା ଦୁଇ ବ୍ୟକ୍ତିଙ୍କୁ ଧରିବାକୁ ସ୍ପେଶାଲ ସ୍କ୍ୱାର୍ଡ଼ ଉଦ୍ୟମ ଜାରି କରିଛି ।
