ଭୁବନେଶ୍ୱର ୧୫ : ଗତକାଲିର ପୁଲୱାମା ଆକ୍ରମଣରେ ସାରା ଦେଶ ସ୍ତବ୍ଧ । ଦେଶ ପାଇଁ ସହିଦ ହେଲେ ୪୪ ସିଆରପିଏଫ ଯବାନ । ସମସ୍ତ ରାଜନୈତିକ ଦଳ ଏହାକୁ ଘୋର ନିନ୍ଦା କରୁଛନ୍ତି । ଦେଶବାସୀଙ୍କ ମନରେ ମଧ୍ୟ କୋହ ଏବଂ କ୍ରୋଧ ଭରି ହୋଇ ରହିଛି । ଏପରି ସ୍ଥଳେ ଦେଶର ସୁରକ୍ଷା ସମସ୍ତ ରାଜନୈତିକ ଦଳ ପାଇଁ ବଡ ହୋଇଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ଅଧ୍ୟକ୍ଷ ଅମିତ ଶାହା ଆଜିର ସମସ୍ତ ରାଜନୈତିକ ବାତିଲ କରିଛନ୍ତି । ଏପରି କି ଅମିତ ଶାହାଙ୍କ ଆଜିର ଓଡିଶା ଗସ୍ତ ମଧ୍ୟ ବାତିଲ ହୋଇଛି । ସିଆରପିଏଫ ଉପରେ ହୋଇଥିବା ଏହି ଆକ୍ରମଣକୁ ସାରା ଦେଶ ନିନ୍ଦା କରୁଛନ୍ତି । ରାଜନୈତିକ କାର୍ୟ୍ୟକ୍ରମ ମଧ୍ୟ ବାତିଲ କରୁଛନ୍ତି ।
