ଭୁବନେଶ୍ୱର ୨୭/୧ : ସାତକୋଶିଆ ଜଙ୍ଗଲରେ ଏକାକୀ ରହୁଥିବା ବାଘୁଣୀ ‘ସୁନ୍ଦରୀ’ ପାଇଁ ସେଠାକୁ ଦୁଇଟି ହାତୀ ଅଣାଯାଇଛି । ହାତୀ ଦୁଇଟିର ନାଁ ହେଉଛି ମହେନ୍ଦ୍ର ଓ ରାଜକୁମାର । ସେମାନଙ୍କୁ ଶିମିଳିପାଳ ଜଙ୍ଗଲରୁ ଅଣାଯାଇଛି । ସାତକୋଶିଆର ଇନକ୍ଲୋଜରରେ ରହିଥିବା ସୁନ୍ଦରୀ ଯେଭଳି ଅଟକ ରହିଥିବା ଅନୁଭବ କରିବ ନାହିଁ ସେଥିପାଇଁ ହାତୀ ଦୁଇଟିକୁ ଅଣାଯାଇଛି । ହାତୀମାନଙ୍କୁ ଦେଖିଲେ ସେ ଜଙ୍ଗଲରେ ଥିବା ଅନୁଭବ କରିବ ବୋଲି ବନ ବିଭାଗର ଜଣେ ଅଧିକାରୀ ପ୍ରକାଶ କରିଛନ୍ତି ।
