କୋରାପୁଟ୨୪/୧୨ : ଏହି ଅଂଚଳର ୧୮ ଜଣ ଆଦିବାସୀ ଯୁବତୀ ହାଇଦ୍ରାବାଦର ଏକ ଇଟା ଭାଟିରେ ଅଟକି ରହିଛନ୍ତି । ସେମାନଙ୍କୁ ପାରିଶ୍ରମିକ ଦିଆଯାଉନଥିବା ବେଳେ ଘରକୁ ଫେରିବାକୁ ଚାହିଁଲେ ମଧ୍ୟ ସେଥିପାଇଁ ଅନୁମତି ଦିଆଯାଉନାହିଁ । ପରିବାର ଲୋକ ମଧ୍ୟ ସେମାନଙ୍କୁ ଭେଟି ପାରୁନାହାନ୍ତି । ଏହି ଯୁବତୀମାନେ ହେଲେ ଲକ୍ଷ୍ମୀପୁର ପିପଳପଦର ପଂଚାୟତ ଅନ୍ତର୍ଗତ ଚୁଚୁକଣା ଓ ପିସ୍କାଡାଙ୍ଗ ଗ୍ରାମର । ସେମାନଙ୍କୁ ତୁରନ୍ତ ଉଦ୍ଧାର କରିବା ପାଇଁ ଅଂଚଳବାସୀ ଜିଲ୍ଲା ପ୍ରଶାସନ ନିକଟରେ ଦାବି କରିଛନ୍ତି ।
