ଭୁବନେଶ୍ୱର ୭/୧ : ସାଧାରଣ ନିର୍ବାଚନ ଯେତେ ପାଖେଇ ଆସୁଛି, ଓଡ଼ିଶାକୁ ବିଭିନ୍ନ ଦଳର କେନ୍ଦ୍ରୀୟ ନେତାମାନଙ୍କ ଓଡ଼ିଶା ଗସ୍ତ ସେତିକି ବୃଦ୍ଧି ପାଉଛି । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଇଥର ଓଡ଼ିଶା ଗସ୍ତରେ ଆସି ବିଭନ୍ନ କାର୍ଯ୍ୟକ୍ରମରେ ଯୋଗଦେଇ ଫେରିଛନ୍ତି । ଏହି ପରିପ୍ରେକ୍ଷୀରେ କଂଗ୍ରେସ ମଧ୍ୟ ପଛରେ ରହିବାକୁ ଚାହୁଁନାହିଁ । ଦଳର ସଭାପତି ରାହୁଲ ଗାନ୍ଧୀ ଓଡ଼ିଶା ଗସ୍ତରେ ଆସି ଭୋଟରମାନଙ୍କୁ ଆକୃଷ୍ଟ କରିବା ଲକ୍ଷ୍ୟରେ ଅଛନ୍ତି । ଏହି କ୍ରମରେ ସେ ଆସନ୍ତା ୨୫ ତାରିଖରେ ଓଡ଼ିଶାର ଉପକୂଳ ଅଂଚଳ ଗସ୍ତ କରିବେ । ତେବେ ଆଜି ପିସିସି ସଭାପତି ନିରଞ୍ଜନ ପଟ୍ଟନାୟକ ଏହି ସୂଚନା ଦେଇଥିଲେ ମଧ୍ୟ ନିର୍ଦ୍ଧିଷ୍ଟ କେଉଁ ସ୍ଥାନରେ ସଭା କରିବେ ସେ ସମ୍ପର୍କରେ ସେ କିଛି ପ୍ରକାଶ କରିନାହାନ୍ତି । ପୂର୍ବରୁ ଗତମାସ ଶେଷ ସୁଦ୍ଧା ଶ୍ରୀ ଗାନ୍ଧୀ ଓଡ଼ିଶା ଗସ୍ତରେ ଆସିବାର ଘୋଷଣା କରାଯାଇଥିଲେ ହେଁ ସେ କୋ÷ଣସି କାରଣରୁ ଆସିପାରିନଥିଲେ ।
