ନୂଆଦିଲ୍ଲୀ: ବିଜେପିରେ ଅଲୋଡା ହେଉଛନ୍ତି କି ମୋଦି? ଏହି ପ୍ରଶ୍ନ ବର୍ତମାନ ଅନ୍ଦୋଳିତ କରିବାକୁ ଲାଗିଛି ରାଜନୈତିକ ପର୍ଯ୍ୟବେକ୍ଷକ ମାନଙ୍କୁ ।
ସଂପ୍ରତି ଅନୁଷ୍ଠିତ ରାଜ୍ୟ ବିଧାନସଭା ନିର୍ବାଚନରେ ତିନୋଟି ଗୁରୁତ୍ୱପୂର୍ଣ୍ଣ ହିନ୍ଦୀଭାଷୀ ରାଜ୍ୟରେ ବିଜେପିର ପରାଜୟ ପରେ ମୋଦିଙ୍କର ଭାବମୂର୍ତିରେ ଆଂଚ ଆସିଛି । ଏବଂ ଏହି ଘଟଣା ପରେ ମୋଦିଙ୍କର ନେତୃତ୍ୱ କୁ ନେଇ ବିଜେପି ଦଳରେ ସନ୍ଦେହ ଦେଖା ଦେଇଛି । ମୋଦିଙ୍କର ନେତୃତ୍ୱକୁ ଦଳ ଭିତରୁ ବିରୋଧ ହେବା ଆରମ୍ଭ ହେଲାଣି ।
ମୋଦିଙ୍କ ନେତୃତ୍ୱ ଉପରେ ଆର୍ଏସ୍ଏସ୍ ମଧ୍ୟ ଭରସା ପାଉନାହିଁ । ଗତକାଲି ପ୍ରକାଶ ପାଇଥିବା ବିଜେପିର ରାଜ୍ୟ ପ୍ରଭାରୀ ତାଲିକାକୁ ଅନୁଧ୍ୟାନ କଲେ ତାହା ସ୍ପଷ୍ଟ ମନେ ହେଉଛି । ତାଲିକାରେ ଲୋକସଭା ନିର୍ବାଚନ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଉତର ପ୍ରଦେଶର ମୁଖ୍ୟ ପ୍ରଭାରୀ ଭାବେ ଗୋବର୍ଦ୍ଧନ ଝଦାଫିଆ ନିଯୁକ୍ତି ନାମ ରହିଛି ।
ଗୋବର୍ଦ୍ଧନ ମୋଦିଙ୍କର କଟ୍ଟର ବିରୋଧୀ ଭାବେ ଜଣାଶୁଣା । ଗୁଜରାଟର ମୋଦି ସରକାରରେ ମନ୍ତ୍ରୀର ହେବାକୁ ମନା କରିଦେଇ ସେ ଚର୍ଚ୍ଚା କୁ ଆସିଥିଲେ । ବିଜେପିର କୃଷକ ମୋର୍ଚ୍ଚାର ପୂର୍ବତନ କର୍ମକର୍ତା ଏବଂ ବିଶ୍ୱ ହିନ୍ଦୁ ପରିଷଦର ପୂର୍ବତନ ଟାଣୁଆ ନେତା ଗୋବର୍ଦ୍ଧ ଆର୍ଏସ୍ଏସ୍ର ଭିତର କୋଟାରୀର ସଦସ୍ୟ । ଆର୍ଏସ୍ଏସ୍ ର ଅନ୍ୟତମ ତୁଙ୍ଗ ନେତା ତଥା ମୋଦି ବିରୋଧୀ ଭାବେ ପରିଚିତ ସଂଜୟ ଯୋଶୀଙ୍କର ଅତ୍ୟନ୍ତ ବିଶ୍ୱସ୍ତ ଗୋବର୍ଦ୍ଧନ । ମେଦିଙ୍କର ଚରମ ଶତ୍ରୃ ଭାବେ ଠିଆ ହୋଇଥିବା ହିନ୍ଦୁ ନେତା ପ୍ରବିଣ ତୋଗାଡିଆ ସେ ଅତ୍ୟନ୍ତ ଘନିଷ୍ଟ । ଗୋଧ୍ରା ଦଂଗା ସମୟରେ ସେ ମୋଦି ସରକାରରେ ଗୋବର୍ଦ୍ଧନ ଗୃହ ମନ୍ତ୍ରୀ ଥିଲେ । ଏହାପରେ ୨୦୦୨ରେ ତାଙ୍କୁ ହଟାଇ ମୋଦି ଅମିତଭାଇଙ୍କୁ ଗୃହମନ୍ତ୍ରୀ ଦାୟୀତ୍ୱ ଦେଇଥିଲେ । ତେବେ ୨୦୦୪ରେ କେନ୍ଦ୍ରରେ ଏନ୍ଡିଏ ସରକାର ପତନ ପରେ ମୋଦି ତାଙ୍କୁ ମନ୍ତ୍ରୀ ପଦ ଯାଚିଥିଲେ । ମନ୍ତ୍ରୀଭାବେ ଶପଥ ନେବାପାଇଁ ତାଙ୍କ ନାମ ଯେତେବେଳେ ଡକା ଯାଇଥିଲା ସେ ଠିଆ ହୋଇ ହାତ ଯୋଡି କହିଥିଲେ ସେ ମେଦି ସରକାରରେ ମନ୍ତ୍ରୀ ହେବେ ନାହିଁ ।
ବର୍ତମନ ମୋଦିଙ୍କର ବିକଳ୍ପଭାବେ କେନ୍ଦ୍ର ମନ୍ତ୍ରୀ ନିତିନ୍ ଗଡକରୀ ଉଭା ହେଲେଣି । ଗଡକାରୀ ନିଜର ବୟାନ ମାଧ୍ୟମରେ ମୋଦିଙ୍କୁ ଅଡୁଆ ପକାଇବା ସଙ୍ଗେ ସଙ୍ଗେ ନିଜକୁ ବିକଳ୍ପଭାବେ ଉପସ୍ଥାପନ କରିବାରେ ଲାଗିଛନ୍ତି ।
ଏଭଳି ଏକ ସମୟରେ ମୋଦିଙ୍କର ମିତ୍ର ଗୁରୁ ରାମଦେବଙ୍କ ବୟାନକୁ ନେଇ ବେଶ ଚର୍ଚ୍ଚା ଚାଲିଛି । କିଏ ଆଗାମୀ ପ୍ରଧାନମନ୍ତ୍ରୀ ହେବ ତାହା କହିବା ମୁଶ୍କିଲ ବୋଲି ବୟାନ ଦେଇ ରାମଦେବ ମୋଦିଙ୍କ ନେତୃତ୍ୱ ଉପରେ ସନ୍ଦେହ ପ୍ରକାଶ କରିଛନ୍ତି ।