ଜୟପୁର ୨୯/୩ : ନରେନ୍ଦ୍ର ମୋଦୀ କୋରାପୁଟ ଜୟପୁର ଗସ୍ତ କରିଛନ୍ତି । ଜୟ ଜଗନ୍ନାଥରୁ ଭାଷଣ ଆରମ୍ଭ କରିଥିବା ମୋଦୀ ଓଡିଶାବାସୀଙ୍କୁ ଆପଣ କେମିତି ଅଛନ୍ତି ବୋଲି ଓଡିଆରେ ପଚାରିଥିଲେ । ଏହାପରେ ସେ ଗୁପ୍ତେଶ୍ୱର, ତାରିଣୀଙ୍କ ଆଶୀର୍ବାଦ ମାଗିଥିଲେ । ଏହାସହ ପଦ୍ମଶ୍ରୀ କମଳା ପୂଜାରୀ ମଧ୍ୟ ମଂଚରେ ଉପସ୍ଥିତ ଥିଲେ । ତାଙ୍କୁ ମୋଦୀ ପ୍ରଶଂସା କରିଥିଲେ । ସହିଦ ଲକ୍ଷ୍ମଣ ନାୟକଙ୍କୁ ମଧ୍ୟ ମନେ ପକାଇଥିଲେ ମୋଦୀ ।
ଏହାପରେ ମୋଦୀ କହିଥିଲେ ଯେ, ୨୦୧୪ରେ ଯେତେବେେଳେ ଓଡିଶା ଆସିଥିଲେ ନିଷ୍ଠା ସହ ଆପଣଙ୍କ ସେବା କରିବି ବୋଲି କହିଥିଲି । ଆପଣଙ୍କ ପ୍ରଧାନସେବକ ଭଳି ଏକ ଚେଷ୍ଟା ରହିଛି କି କୌଣସୀ ନାଗରିକଙ୍କର କିଛି ଅଭାବ ରହିବନି । ଜନତା ଯେଭଳି ଭାବେ ମୋତେ ସମର୍ଥନ କରିଛନ୍ତି, ଦିଗ ଦେଖାଇଛନ୍ତି, ବିରୋଧୀଙ୍କ ମୁକାବିଲା କରିଛନ୍ତି ଏଥିପାଇଁ ଆପଣଙ୍କ ନିକଟରେ କୃତଜ୍ଞ । ଓଡିଶାର ଭାଇଭଉଣୀ ମଧ୍ୟ ଏହାକୁ ସମର୍ଥନ କରିଛନ୍ତି । ଯଦି ବିଜେପି ସରକାରର ୫ ବର୍ଷର ସଫଳତାର କେହି ହକଦାର ରହେ ତେବେ ସେ ହେଉଛନ୍ତି ଭାରତୀୟ ଜବତା, ମତଦାତା, ଓଡିଶାବାସୀ ମଧ୍ୟ ଅଟନ୍ତି ।
ମୋଦୀ ଆହୁରି କହିଛନ୍ତି ଯେ, ସମସ୍ତେ ବିକାଶର ରାସ୍ତାରେ ଅଛନ୍ତି । ପିଲାଙ୍କୁ ପାଠ ପଢାଇଛନ୍ତି, ଯୁବକଙ୍କୁ ରୋଜଗାର, ବୃଦ୍ଧଙ୍କୁ ପେନସନ ମିଳିଛି । ଏଥିପାଇଁ ପ୍ରୟାସ ହୋଇଛି । ଗତ ୫ବର୍ଷରେ ବନ ଉତ୍ପାଦରେ ସମର୍ଥକ ମୁଲ୍ୟ ତିନିଥର ବୃଦ୍ଧି ପାଇଛି । ପୂର୍ବରୁ ମାତ୍ର ୧୦ଟି ବନଜାତ ଉପରେ ଏମଏସପି ମିଳୁଥିଲା । ଏବେ ଏହା ଶହେରେ ପହଁଚିଛି । ଓଡିଶାର ବିକାଶ ପାଇଁ ରାସ୍ତା, ରେଳ, ଗ୍ୟାସ ସମସ୍ତ ଉଦ୍ୟୋଗ ସହ ଜଡିତ କାମ ହୋଇଛି । ପରେଳବାଇରେ ଏଠାରେ ଅଦ୍ଭୁତପୂର୍ବ କାମ ହୋଇଛି, ରାୟଗଡାରେ ରେଳ ଡିଭିଜନ ହୋଇଛି, ନବରଙ୍ଗପୁର- ମାଲକାନଗିରି ରେଳଲାଇନରେ ବିସ୍ତାର ହୋଇଛି । ଟଙ୍କାର କିଛି ଅଭାବ ନାହିଁ । ମହିଳା, ଯୁବକଙ୍କୁ ରୋଜଗାର ମିଳିଛି । ମୁଦ୍ରା ଯୋଜନାରେ ସଶକ୍ତ କରାଯାଇଛି । ଓଡିଶା ମାଟିରୁ ଦେଶର ବୈଜ୍ଞାନିକଙ୍କୁ ସଫଳତା ମିଳିଛି । ଯେତେବେଳେ ବିରୋଧୀ ସେନା, ବୈଜ୍ଞାନିକଙ୍କୁ ନିଚା ଦେଖାଉଛନ୍ତି ଜନତା ସେମାନଙ୍କ ମୁହଁ ବନ୍ଦ କରିଛନ୍ତି । ପୂର୍ବରୁ ଓଡିଶା ଏପରି ଏକ ଐତିହାସିକ ଉପଲବ୍ଧିର ସାକ୍ଷୀ ରହିଛି ଯେ ସାରା ବିଶ୍ୱକୁ ଭାରତର ସାମର୍ଥ୍ୟ ସହ ପରିଚିତ କରିଛି । ଅନ୍ତରୀକ୍ଷରେ ଭାରତ ସଫଳ ହୋଇଛି । ଏହା ଭାରତର ଆତ୍ମବିଶ୍ୱାସ । ସାରା ଦେଶ ଏଥି ପାଇଁ ଗର୍ବ କରୁଛି । ଅନେକ ଲୋକଙ୍କୁ ଭାରତର ଏହି ଉପଲବ୍ଧି ଛୋଟ ନଜର ଆଶୁଛି । ୬୦ ଦଶକରୁ ଗରିବଙ୍କ ସହ ବେଇମାନ କରୁଥିବା ଲୋକ ଏତେ ଡରିଯାଇଛନ୍ତି କି ଦେଶର ବୈଜ୍ଞାନିକ, ସେନାଙ୍କ ସାମର୍ଥ୍ୟକୁ ନିନ୍ଦା କରୁଛନ୍ତି । ଏମାନଙ୍କୁ ଦଣ୍ଡ ମିଳିବା ଦରକାର । ଭାରତ ଆତଙ୍କବାଦୀଙ୍କ ଉପରେ ଆକ୍ରମଣ କଲେ ବିରୋଧୀ ଏହାର ପ୍ରମାଣ ମାଗୁଛନ୍ତି । ଗୋଟିଏ ମାସ ହୋଇଗଲା ପାକିସ୍ତାନ ଶବ ଗଣୁଛି କିନ୍ତୁ ବିରୋଧୀ ପ୍ରମାଣ ମାଗୁଛନ୍ତି । ଭୋଟ ଦେବା ପାଇଁ ଗଲାବେଳେ ଆତଙ୍କବାଦୀଙ୍କୁ ଆକ୍ରମଣ କରିଥିବା ସରକାର ଦରକାର ନା ସେମାନଙ୍କୁ ଡରୁଥିବା ସରକାର, ନିଷ୍ପତି ନେଉଥିବା ସରକାର ଦରକାର ବୋଲି ମୋଦୀ ଜନତାଙ୍କୁ ପ୍ରଶ୍ନ କରିଛନ୍ତି ।
। ଭୋଟରେ ବିଜେପିକୁ ଭୋଟ ଦିଅନ୍ତୁ । ବିଜେପି ହିଁ ରାଜ୍ୟର ବିକାଶ କରିପାରିବ । ଏହା ଆପଣଙ୍କ ଚୌକିଦାର କରିବ । ଥରଟେ ସୁଯୋଗ ଦେଇ ଦେଖାନ୍ତୁ । ଯେତେବେଳେ ଆମେ ଏବଂ ଆପଣ ମିଶି ସଜାଗ ରହିବୁ ସମସ୍ତ ଭ୍ରଷ୍ଟାଚାରୀ ଡରିବେ । ଏହି କାମ ପାଇଁ ମୋଦୀ ଆପଣଙ୍କ ସହ ରହିଛନ୍ତି । ଏନଡିଏ ସରକାରରେ ବିହାର, ୟୁପିରେ ଅନେକ ବିକାଶମୂଳକ କାର୍ୟ୍ୟ ହେଉଛି, ବିଜେପି ସରକାର ଥିଲେ ଏଠାରେ ମଧ୍ୟ ହୋଇଥାନ୍ତା । ଚଳିତ ଥର ଏହା ସମ୍ଭବ ହେବ । ଏଠାକାର ସରକାର ଜନତାଙ୍କୁ ପକେଟରେ ରଖିଥିବା ଭାବୁଛନ୍ତି । ସେମାନଙ୍କୁ ଝଟକା ଦେବା ଦରକାରା । ବିଜେପିର ଡବଲ ଇଞ୍ଜିନ ଓଡିଶାକୁ ଆଗକୁ ନେବ । ଏହାସହ ମୋଦୀ ଜୟ ଜଗନ୍ନାଥ କହି ଭାଷଣ ଶେଷ କରିଥିଲେ ।
