ଭୁବନେଶ୍ୱର: ସର୍ଜନର ଶେଷ ନାହିଁ | ପୂର୍ଣ୍ଣତାର ଉପଲବ୍ଧି ଆସିଲେ ଆଉ ଲେଖି ହୁଏନାହିଁ | ପ୍ରତି ଲେଖକ କୌଣସି ଲେଖାକୁ ଶେଷ ବୋଲି ମନେ କରିବା ଉଚିତ ନୁହେଁ ବୋଲି ବିଶିଷ୍ଟ ନାଟ୍ୟକାର ଓ ସ୍ତମ୍ଭକାର ବିଜୟ ଦାସ ଉଲ୍ଲେଖ କରିଛନ୍ତି |

ଗତ ସନ୍ଧ୍ୟାରେ ଭୁବନେଶ୍ୱର ସାହିତ୍ୟ ସମାଜ ଟ୍ରଷ୍ଟ ପକ୍ଷରୁ ଜୟଦେବ ଭବନରେ ଅନୁଷ୍ଠିତ”ସାହିତ୍ୟ ମାସିକୀ” କାର୍ଯ୍ୟକ୍ରମରେ ଯୋଗ ଦେଇ ଶ୍ରୀ ଦାସ “ମୋ ସୃଜନ :ମୋ ଜୀବନ ” ଶୀର୍ଷକ ବକ୍ତବ୍ୟ ରଖିଥିଲେ |

କଥାକାର ପ୍ରଦ୍ୟୁମ୍ନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଶ୍ରୀ ଦାସ ଜଣେ ଉଦଘୋଷକ, ଗୀତିକାର, ନାଟ୍ୟକାର ଓ ସ୍ତମ୍ଭକାର ଭାବରେ ତାଙ୍କ ଅନୁଭୂତି ବର୍ଣନା କରିଥିଲେ |

“ଏ ମାସର କଥାକାର” ଭାବରେ ରଶ୍ମି ରଞ୍ଜନ ରାଉତ ଯୋଗ ଦେଇ ସ୍ୱରଚିତ ଗଳ୍ପ ପାଠ କରିଥଲେ l

ପ୍ରଥମେ ଅନୁଷ୍ଠାନର କାର୍ଯ୍ୟକର୍ତା ଅଶୋକ ସିଂହ ସୂଚନା ଦେଇଥିଲେ |

ଦ୍ଵିତୀୟ ପର୍ଯ୍ୟାୟରେ କବିତା ପାଠୋତ୍ସବ ଆୟୋଜିତ ହୋଇଥିଲା | ମିନତି ମିଶ୍ର ଓ କୁମୁଦିନୀ ଜୀଙ୍କ ମିଳିତ ସଂଯୋଜନାରେ ପ୍ରଦୀପ୍ତ ବାରିକ, ରଜନୀ ରଞ୍ଜନ, ପ୍ରହରାଜ ଜୟନାରାୟଣ ନନ୍ଦ, ମିହିରକାନ୍ତି ଦାସ, ନୃସିଂହ ତରାଇ, ପ୍ରିୟରଞ୍ଜନ ସାହୁ, ଇତିଶ୍ରୀ ପତି, ନୃସିଂହ ତରାଇ, ଧ୍ରୁବ ଚରଣ ସେଠୀ, ନିଶାକର ପଣ୍ଡା, ବିଜୟ ମହାପାତ୍ର, ବିଦ୍ୟୁତପ୍ରଭା ଗନ୍ତାୟତ, ସୁଶାନ୍ତ ଷଡ଼ଙ୍ଗୀ, ଗୋଲକ ବିହାରୀ ସାହୁ, ମାୟାଧର ସାହୁ, ଭୁବନେଶ୍ୱରୀ ପଣ୍ଡା, ଦିଲ୍ଲୀପ ଷଡ଼ଙ୍ଗୀ,ଶ୍ୟାମା କିଙ୍କର ମହାନ୍ତି, ବାସନ୍ତୀ ତ୍ରିପାଠୀ ପ୍ରମୁଖ କବିତା ପାଠ କରିଥିଲେ |

ଶେଷରେ ଅନୁଷ୍ଠାନର ଉପସଭାପତି ବିଭୂତି ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ l

ଭୁବନେଶ୍ୱର: ସମ୍ପର୍କ ଓ ସଂଘର୍ଷ ତାଙ୍କ ଗୀତିକାର ଜୀବନର ସୃଜନ ଭୂମି ବୋଲି କହିଛନ୍ତି ଖ୍ୟାତନାମା ଗୀତିକାର ସଚ୍ଚି ମହାନ୍ତି | ସଫଳ ଗୀତି କବିତା ଲେଖିବା ପାଇଁ ନିଷ୍ଠା, ଅଧ୍ୟୟନ ଓ ପର୍ଯ୍ୟବେକ୍ଷଣ ଦରକାର |

ଆଜି ସନ୍ଧ୍ୟାରେ ସ୍ଥାନୀୟ ଗୀତଗୋବିନ୍ଦ ସଦନ ସଭା ପ୍ରକୋଷ୍ଠରେ ଭୁବନେଶ୍ୱର ସାହିତ୍ୟ ସମାଜ ଟ୍ରଷ୍ଟ ଆନୁକୂଲ୍ୟରେ ଆୟୋଜିତ “ସାହିତ୍ୟ ମାସିକୀ ” ରେ ଯୋଗ ଦେଇଛି ଗୀତିକାର ଶ୍ରୀ ମହାନ୍ତି ତାଙ୍କ ସୃଜନ ଯାତ୍ରା ଉପରେ ଆଲୋକପାତ କରିଥିଲେ | ଗୀତି କବିତାକୁ ସାରସ୍ୱତ ମର୍ଯ୍ୟାଦା ମିଳୁ ନ ଥିବାରୁ ସେ କ୍ଷୋଭ ପ୍ରକାଶ କରିଥିଲେ | ସଫଳ ଗୀତ ଲେଖିବା ପାଇଁ ସେ ଅକ୍ଷୟ ମହାନ୍ତିଙ୍କ ଠାରୁ ଚାପୁଡ଼ା ଖାଇଥିଲେ ବୋଲି ସେ ପ୍ରକାଶ କରିଥିଲେ |ବିଶିଷ୍ଟ ସିନେ -ଗବେଷକ ସୂର୍ଯ୍ୟ ଦେଓ ଶ୍ରୀ ମହାନ୍ତିଙ୍କ ସହିତ କଥାବାର୍ତା କରିଥିଲେ |

ଅନୁଷ୍ଠାନର କାର୍ଯ୍ୟକାରୀ ସଭାପତି ରକ୍ଷକ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଯୁବ କବି ରଶ୍ମିରେଖା ଦାସ “ଏ ମାସର କବି ” ଭାବରେ ଯୋଗ ଦେଇ କବିତା ପାଠ କରିଥିଲେ |ଅନୁଷ୍ଠାନର ସଭାପତି ସୂର୍ଯ୍ୟ ମିଶ୍ର ଙ୍କ ପରିଚାଳନାରେ ଆୟୋଜିତ କାର୍ଯ୍ୟକ୍ରମରେ ଉପସଭାପତି ମିନତି ଦାଶ (ମାନୀ) ଓ ଜୟଶ୍ରୀ ପଟ୍ଟନାୟକଙ୍କ ମିଳିତ ସଂଯୋଜନାରେ କବିତା ପାଠୋତ୍ସବ ହୋଇଥିଲା | ପ୍ରଦ୍ୟୁମ୍ନ ପଟ୍ଟନାୟକ, ବିଧୁ ତ୍ରିପାଠୀ, ମିନତି ମିଶ୍ର, ହରିହର ବଳବନ୍ତରାୟ, ନିରୁପମା କର, ପବିତ୍ର ବାରିକ, ଅଶୋକ ସିଂହ, ରଜନୀ ପଟ୍ଟନାୟକ, ପ୍ରହରାଜ ଜୟ ନାରାୟଣ ନନ୍ଦ, ଧ୍ରୁବ ଚରଣ ସେଠୀ, ସୁଧା ପଟ୍ଟନାୟକ, ଅଲେଖ ରାଉତ, ପ୍ରିୟ ସାହୁ, ନନ୍ଦ କିଶୋର ବିଶ୍ୱାଳ, ସ୍ଵର୍ଣ୍ଣଲତା ମହାପାତ୍ର, ସୁସ୍ମିତା ଶତପଥି, ପବିତ୍ର ମୋହନ କର, ସ୍ନିଗ୍ଧା ସ୍ୱାଇଁ, ଗୀତାଞ୍ଜଳି ଦଳାଇ, ମଧୁମିତା ମିଶ୍ର, ନିରୁପମା ରଥ, ମଧୁସ୍ମିତା ସା, ଶ୍ୟାମାକିଙ୍କର ମହାନ୍ତି, ଅନ୍ତର୍ଯ୍ୟାମୀ ପ୍ରଧାନ, ଭିକାରୀ ଧଳ , ମାନିନୀ ଜେନା, ସଞ୍ଜୁଲତା ମହାନ୍ତି (ପଟ୍ଟନାୟକ), ଚିତ୍ତରଞ୍ଜନ ବର୍ମା, ସଂଘମିତ୍ରା ମହାପାତ୍ର, ଶର୍ମିଷ୍ଠା ମହାପାତ୍ର, ସୁଶାନ୍ତ ଷଡ଼ଙ୍ଗୀ ଓ ଇତିଶ୍ରୀ ପତି ପ୍ରାୟ ଚାଳିଶରୁ ଅଧିକ କବି ଲେଖା ପାଠ କରିଥିବାବେଳେ ଅନ୍ୟତମ ଉପସଭାପତି ବିଭୁତି ପାଣିଗ୍ରାହୀ ଧନ୍ୟବାଦ ଅର୍ପଣ କରଥିଲେ |

ଭୁବନେଶ୍ୱର: ସାରଦାପ୍ରସାଦଙ୍କ ଗଳ୍ପରେ ଜୀବନବୋଧ ପାଠକଙ୍କୁ ମୋହଗ୍ରସ୍ତ କରେ |ତାଙ୍କ ଗଳ୍ପ ରଚନାର ଭାଷା ଓ କାରିଗରୀ ଥିଲା ଅସାଧାରଣ |ବିଶିଷ୍ଟ କଥାକାର ସ୍ୱର୍ଗତ ସାରଦା ପ୍ରସାଦ ମିଶ୍ରଙ୍କ ସ୍ମରଣ ସଭାରେ ଅତିଥିମାନେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ନିବେଦନ କରିଛନ୍ତି |

“ସ୍ମୃତି ସାରଦା” ଆନୁକୂଲ୍ୟରେ ସ୍ଥାନୀୟ ରୋଟାରି ଭବନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆୟକର ବିଭାଗର ପ୍ରାକ୍ତନ ପ୍ରଶାସକ ତଥା ସ୍ତମ୍ଭକାର ମନୋରଞ୍ଜନ ପାଣିଗ୍ରାହୀ ଅଧ୍ୟକ୍ଷତା କରି ସାରଦାଙ୍କ ସହିତ ତାଙ୍କ ଅନ୍ତରଙ୍ଗ ସମ୍ପର୍କର ସ୍ମୃତିଚାରଣ କରିଥିଲେ | ପ୍ରସିଦ୍ଧ କଥାଶିଳ୍ପୀ ଜୟନ୍ତୀ ରଥ, କଥାକାର ପରେଶ ପଟ୍ଟନାୟକ ଓ ସମ୍ପାଦକ ତଥା ଅନୁବାଦକ ଅସିତ ମହାନ୍ତି କାର୍ଯ୍ୟକ୍ରମରେ ଉପସ୍ଥିତ ରହି ସାରଦାଙ୍କ ଗଳ୍ପକାରିତା, ବନ୍ଧୁବତ୍ସଳତା, ତାଙ୍କ ଗଳ୍ପର ବିଶେଷତ୍ୱ, ବ୍ୟକ୍ତିତ୍ୱର ବିଭିନ୍ନ ଦିଗ ଓ ବୃତ୍ତିଗତ ସଫଳତା ନେଇ ବିସ୍ତୃତ ଆଲୋଚନା କରିଥିଲେ |

ଅତିଥିମାନେ ପ୍ରଥମେ ସାରଦାଙ୍କ ଉଦ୍ଦେଶ୍ୟରେ ପୁଷ୍ପାର୍ଘ୍ୟ ଅର୍ପଣ କରିଥିଲେ | ବିଶ୍ୱବନ୍ଦିତା ତିଆଡ଼ି ଓ ରୁପାଲୀ ପ୍ରିୟଦର୍ଶିନୀ ଭଜନ ପରିବେଷଣ କରିଥିଲେ | ସାରଦାଙ୍କ ବନ୍ଧୁ କବି ସୂର୍ଯ୍ୟ ମିଶ୍ର ପ୍ରାରମ୍ଭିକ ସୂଚନା ଦେଇଥିଲେ | ଯୁବଲେଖିକା ରଶ୍ମିତା ବେହେରା କାର୍ଯ୍ୟକ୍ରମର ସଂଯୋଜନା କରିଥିଲେ |

ଏହି କାର୍ଯ୍ୟକ୍ରମରେ ପଣ୍ଡିତ ପ୍ରବୋଧ କୁମାର ମିଶ୍ର,ରବି ସ୍ୱାଇଁ, ଅଭିରାମ ବିଶ୍ୱାଳ,ହରିପଦ ଶତପଥି,ରକ୍ଷକ ନାୟକ ଶୈଳେନ୍ଦ୍ର ଜେନା,ଆଭାସ ବରାଳ,ରମାକାନ୍ତ ସାମନ୍ତରାୟ,ଅମିତାଭ ଖିଲାର, ମୌସୁମୀ ଦାସ, ସୁନନ୍ଦା ପ୍ରଧାନ, ଅଶୋକ ଦାଶ, ସୁଶାନ୍ତ ଦାଶ,ପ୍ରଫୁଲ୍ଲ ରଥ ଜୟନାରାୟଣ ନନ୍ଦ, ସଞ୍ଜୟ ମହାନ୍ତି, ଗିରୀଶ ସ୍ୱାଇଁ,ସୁବ୍ରତ ସେନାପତି, ଅକ୍ଷୟ ବେହେରା, ସୂର୍ଯ୍ୟ ମହାନ୍ତି, ସନ୍ତୋଷ ଦାସ, ସୁଧୀର ମଉଡମଣି ପ୍ରମୁଖ ଉପସ୍ଥିତ ଥିଲେ | ସାରଦାଙ୍କ ପତ୍ନୀ ସରସ୍ବତୀ, ଭାଇ ପବିତ୍ର ଓ ସୌଭାଗ୍ୟ ସମବେତ ଅତିଥିମାନଙ୍କର ପରିଚର୍ଯ୍ୟା କରିଥିଲେ |